පසුගිය වසරකට ආසන්න කාලයක් තිසසේ පිස්සා හිටියේ ලොවෙත් නැතිවය.ඒ කාලය තුළ මේ සයිබර් අවකාසය තුළ නොඑක් හෙයියන් මාරු සිදුවී ඇති බව පිස්සාට දැන් දැන් මීටර් වන්නේය.සමහරු පාළුගෙයි වළං බිඳිමින් සිට චාටර්වී අතුරුදහන්ව ඇති බවටද පිස්සාට දැනගන්නට ලැබුණි.කෙසේ වුවත් දැන් පිස්සා ආයෙත් පළාමල්ලත් උස්සාගෙන ප්රාදුර්භූත වී ඇත.පසුගිය කාලයේ පිස්සා දේශ දේශාන්තර වල කරක්ගසා කුණු අටෝරාසියක් එකතුකොරගෙන ඇත.ඉතින් ඒ කුණු එලියට ඇදීමට පෙර මදර්ලන්ඩ් එකට පය ගැසූ හැටියේම ලැබුණ පොට්ට චෑන්ස් එකක් හෙවත් මහදවල් ජිම්කානා එකක් පිළිබඳ නාගයා චාරිකා කරවීමට පිස්සාට සිතී ඇත.මේක පිස්සාගේ පෞද්ගලික අත්දැකීමක් බැවින් කවුරු කවුරුත් වැරදි නොගන්නවා හොඳය.
අසුවල් දින පිස්සා මැදමුලනී බ්රහ්මදත්ත එයාර්පෝට් එකේ හයි ෆයි පර්යන්තයේ දක්ෂිණ දොරටුවෙන් මදර්ලන්ඩ් එකට පය ගසනවාත් සමඟම කළු කණ්නාඩි ලාපු වීදුරු පාට කෑල්ලක් විසින් මල් කළඹක් දී සාදරයෙන් පිළිගනු ලැබිණි.පිස්සා කොකටත් කියා මල් කළඹ ස්කෑන් කොට බැලුවේ ඉන්දියාවේ රජීව් අයියාටත් ටිකැට් කෑල්ල ඇදුණේ මල් කළඹ නිසා බැවිනි.අප්පට හුඩු..........බලාගෙන යනවිට පිස්සාටත් ටිකැට් කෑල්ල ඇදී ඇත.මල් කළඹ අස්සේ පොඩි තුණ්ඩු කෑල්ලක් තිබිණි.එහි මෙසේ ලියා තිබිණි.
"අද දින හවස........ට අපේ ගෙදරදී මීටිමක අයි.ටී ගැන පුරස්න කතා කොරමි.මේකට අයි.ටී සේත්රයේ පුරෝගාමීන් සියලුදෙනාට ආරදනා කළෙමි.උඹ මේ මීටිමට නෑවිත් පස්සෙ මට කෝල් දිදී උඹේ ඩොංගල් එක වැඩ කොරන්නෙ නෑ වගේ ගොං කතා එහෙම කියන්න එපා.මෙතැනදී එව්ව ඔක්කොම විසඳලා දෙනවා.හවස ටී සමඟ කොත්තු දෙමි.රෙද්දක් ඇඳං වරෙන්.------මීට, යළිත් චෝරතුංග(මහ රජ්ජුරුවන්ගේ අයි.ටී ඇඩ්වයිසර්,ppt,DOC,Pdf සිරි ලංකා)"
මෙය දුටු පිස්සාගේ රස නහර හත්සීයම පිනා ගියේය.මෙහෙම පිනා චෑන්ස් එකක් ලැබෙන්නේ එහෙමත් එකෙකුටය.අයි.ටී චක්රවර්තී සමඟ හොම්බට හොම්බ තියා සාකච්චා කැර සියළු අයි.ටී පුරස්න විසඳාගැනීමට ලැබෙන්නට යාම එසේ මෙසේ ටකරමක්ද.බලාගෙන යනකොට පිස්සාත් අයි.ටී ලෝකයේ වැදගත් චරිතයක් වී ඇත.ඒ මදිවාට ඒ උතුමාණන් සමඟ කොත්තුවක් කා ටී එකක් ගැසීමට ලැබෙන්නේ කීයෙන් කී දෙනාටද?
උන්නැහැ හම්බුවෙන්නට හිස් අතින් යනවා නාකය.එබැවින් එයාපෝට් එක අසළ ඩියුටි ෆ්රී එකෙන් සීනි බාගයක්ද කිරවා ගතිමි.ඩියුටි ෆ්රීඑකේ එකා ඇසුවේ කාට දෙන්නද සීනි ගන්නේ කියාය.එවිට පිස්සා කීවේ අසුවල් උත්තමයාට දෙන්නට සීනි බාගක් කිරන ලෙසයි.කඩේ එකා මීට පෙරත් ඒ උත්තමයාට දෙන්නට සීනි කිරා ඇති බව මට කණට කර කීවේය.
ඔයින් මෙයින් ඇවැස්ස දේවල් ඇරගෙන පිස්සා නියමිත වෙලාවට ඒ උත්තමයාගේ ගෙදෙට්ට සම්ප්රාප්ත විය.අනේ........උන්නැහැ හරීම නිහතමානීය.උත්තමයෙක් කියා හිතන්ඩත් බැරිය.ඇඳ සිටියේ කොටු කොටු මඩකළපු සරමකි.එතුමා මගේ හඩු සරමේත් එතුමාගේ මඩකළපු සරමේත් කොටු සංසංදනය කර බැලුවේය.උන්නැහැගේ සරමේ කොටු තුනකට එකක් නිල්පාටය.පිස්සාගේ සරමේ කොටු හතරකට එකක් රතුපාටය.මෙවැනි සමානතා ඇතිවන්නේ අහම්බයකින් නොවන බවත් එමඟින් ද්විපාර්ශ්වික සබඳතා ශක්තිමත් වන බවත් එතුමා අවදාරණය කළේය.
ඉන්පසු අපි අපගේ මේන් ටොපික් එක වන අයි.ටී පුරස්න කතාකිරීමේ සෙෂන් එක පටංගතිමු.සේනක,පුක්කුස,කාවින්ද,දේවින්ද යන අයි.ටී පඬිවරු සිව්දෙනාද ගත්තේ-වම ගුරු පියාද සහබාගී විය.උන් දෙන පඬි ටෝක් ඇසීමට බට්ටිච්චියන් දෙදෙනකුද පැමිණ සිටිනු දක්නට ලැබිණි.
ඩිස්කසන් එක ආරම්බ කළ සේනක පඬිතුමා මධ්යතන යුගයේ මාතෘභූමිය තුළ අයි.ටී සේත්රයේ බරපතල ගැටළු මොනවාදැයි හර බර ලෙස පැහැදිළි කළේය.ඩොංගල් එක යූ.ඇස්.බී පෝර්ට් එකට හරියට ගසාගන්නට බැරිවීම වර්තමාන තරුණ ප්රජාවට බරපතල ගැටළුවක් බව පුක්කුස පඪිතුමා විසින් මනාව පැහැදිළි කොරන ලදී.දේවින්ද පඬිතුමා විසින් විස්තර කළ පරිදි චාටර් කා ගූගල් ඇඩ් සෙන්ස් වලින් උපයා ගන්න තුට්ටු දෙක පේ පැල් වලින් ලංකාවට ගෙන්නාගැනීමට බැරිවීම ජාතික ප්රස්නයකි.එයට පිළිතුරු වසයෙන් චෝරතුංග උත්තමයා කියා සිටියේ ඇමරිකාවට කෙළවීමට මාතෘබූමිය තුළ ගූගල් තහනං කෙරීමට අවශ්ය පනත්කෙටුම්පත් සම්පාදනය කොරමින් පවතින බවත් එම ප්රොසීඩියර් එක අවසන් වූ වහාම ගූගල් තියා උගේ පඩයක්වත් හොයාගැනීමට බැරිවන බැවින් පේ පැල් ප්රස්නය ඉබේම විසඳෙන බවත්ය.ඉතින් උන්නහැගේ මේ විචාර බුද්දිය ගැන අපි මවිත වීමු.
මෙසේ හරබර රසවත් සාකච්චාව යන විට පැය දෙකක් යනවා පිස්සාට දැණුනේවත් නැත.අවසානයේ ඩිස්කසම ෆයිනලයිස් කර ෆලොවිං ඩිසිෂන්ස් ගන්නා ලදී.
- ගූගල් තහනං කර පේපැල් ප්රස්නය සදහටම විසඳිමට.
- ඩොංගල් එක යූ.ඇස්.බී පෝර්ට් එකට ගැසීම පුහුණු කිරීමට හමුදා කඳවුරු තුළ පුහුණු පාටමාලාවක් ක්රියාත්මක කිරීමට.(ඇස්.බී. උතුමාණන්ගේ කාරුණික අනුග්රහය ලබාදෙන බව උන්නැහැ සහතික විය)
- ඩේටා ඉස්පීඩ් අඩු වන විට ඩොංගල් එක කෙලින් කර තැබීමෙන් ගුරුත්ව බලය පාවිච්චි කර ඩවුන්ලෝඩ් ඉස්පීඩි වැඩි කරගත හැකි දැයි සෙවීමට විශ්රාමික අයි.ටී ඔස්තාර් කෙනෙකුගෙන් සමන්විත ඒක පුද්ගල කමිටුවක් පත්කිරීමට.
දැන් ඉතින් කාටවත් කටක් ඇර වචනයක් කියන්නට බැරිවනු ඇත.මාතෘබූමියේ සියළු අයි.ටී ප්රස්න එතුමාණන් විසින් විසඳා හමාරය.එතුමාට විසඳන්නට බැරි පුරස්නයක් නම් ඉතිං සක්කරයාගේ පුතා වයිමට වත් විසඳන්න බැරිය.
